Ukrayna prezidenti Vladimir Zelenski 400-cü gününə qədəm qoyan müharibədə ukraynalıların həyatını itirdiyini, Rusiya qüvvələrinin geri çəkilməli olduqları ərazilərdə mina və tələlər buraxdığını, bunun da dinc əhalinin ölümünə və ya ciddi xəsarət almasına səbəb olduğunu bildirib.
NOCOMMENT xəbər verir ki, Avstriya Milli Assambleyasının xüsusi iclasında videokonfrans vasitəsilə danışan Zelenski kömək və dəstəyə görə Avstriyaya təşəkkür edib. Zelenski helikopterin qəzaya uğraması nəticəsində yaralanan və bədənlərinin müəyyən hissələri yanıb yaralanan ukraynalı yaralıların Vyana, Linz və Qrazdakı xəstəxanalarda müalicə aldığını bildirib və başda Avstriya xalqına, baş nazirə təşəkkürünü bildirib.
