“Uzunmüddətli öskürək də risk əlaməti ola bilər”.
NOCOMMENT.az xəbər verir ki, bunu canlı yayımda Səhiyyə Nazirliyi Elmi-Tədqiqat Ağciyər Xəstəlikləri İnstitutunun pulmonoloqu Günay Əliyeva deyib.
Onun sözlərinə görə, bir aydan artıq davam edən öskürək allergiya ilə bağlı ola bilər:
“Lakin dəqiq diaqnoz üçün bir sıra amillər nəzərə alınmalıdır. Əvvəlki illərdə eyni mövsümdə oxşar şikayətlərin olub-olmaması, yaşayış mühiti, reflüks xəstəliyi kimi digər mümkün səbəblər araşdırılmalıdır. Düzgün diaqnoz üçün şikayətlərin səbəbi kompleks şəkildə araşdırılmalıdır və özbaşına müalicə aparılmamalıdır”.
