İran Fələstin İsrail işğalından tamamilə azad olunana və Fələstin dövləti qurulana qədər müqavimət qüvvələrinə hər cür dəstəyi verməyə davam edəcək.
NOCOMMENT.az apa-ya istinadən xəbər verir ki, bu barədə İranın XİN rəhbəri Abbas Əraqçi ilə HƏMAS hərəkatının nümayəndələri arasında Qətərdə keçirilən görüşün yekunlarına dair bəyanatda deyilir.
“Ölkəmizin xarici işlər naziri İranın Fələstin xalqının hüquqları, öz müqəddəratını təyinetmə hüququ və Fələstinin işğaldan azad edilməsinə qədər müqaviməti dəstəkləməyə davam etmək kimi prinsipial siyasətinə sadiq olduğunu vurğulayıb.”, – bəyanatda deyilir.
