NOCOMMENT.az Rusiya mətbuatına istinadən xəbər verir ki, Keçmiş dövlət katibi Mayk Pompeo deyib ki, ABŞ Rusiyaya qarşı mübarizədə Ukraynanı dəstəkləməlidir. Onun sözlərinə görə, Moskva münaqişədə qalib gəlsə, bu, ABŞ-ın milli təhlükəsizliyinə təsir edəcək. Bu barədə The Hill məlumat yayıb.
Keçmiş dövlət katibi deyib: “Birləşmiş Ştatlar Ukraynanı milli yaşamaq uğrunda mövcud mübarizəsində dəstəkləməlidir.
O qeyd edib ki, Rusiya qalib gəlsə, “müharibə Ukraynanın hüdudlarından kənarda da hiss olunacaq”.
The Hill xatırladır ki, Pompeonun bəyanatı ABŞ Konqresində Ukraynanın maliyyələşdirilməsi ilə bağlı müzakirələr fonunda səslənib.
