NOCOMMENT.az xəbər verir ki, Almaniyanın xarici işlər naziri Annalena Berbok Ukraynanın yaxın gələcəkdə Avropa Birliyinin (Aİ) bir hissəsi olacağını bildirib. Bu barədə Bild xəbər verir.
“Aydındır ki, Ukrayna yaxın gələcəkdə Aİ-ni gücləndirəcək. Ukraynanın Aİ-yə daxil olması bizim geosiyasi maraqlarımıza cavab verir”.
O qeyd edib ki, Almaniya Ukraynanı dəstəkləməkdə davam edəcək, həm də onu artıracaq.
Bir gün əvvəl Avropa İttifaqı Şurasının rəhbəri Çarlz Mişel Aİ-Kanada sammitindən sonra bildirmişdi ki, Aİ Ukraynanı dəstəkləməkdən imtina etmək üçün bəhanəyə çevrilə biləcək arqumentlərdən istifadə etməməyə çalışır. Onun sözlərinə görə, Avropa ölkələri “artıq 83 milyard dəstək səfərbər edib və bunu davam etdirəcək”.
