Supersport.az saytının baş redaktoru Anar Cəfərsoyun koronavirus infeksiyasından xəstəxanaya yerləşdirilən anası Zöhrə Cəfərsoy vəfat edib.
NOCOMMENT.az xəbər verir ki, məlumatı ailənin yaxın dostu Araz Aslanlı öz “Facebook” səhifəsində paylaşıb.
A.Aslanlı paylaşımında qeyd edib: “Əziz dostumuz, dəyərli ziyalımız Nazim Cəfərsoyun, Anar Cəfərsoyun və Ramil Cəfərsoyun anası Zöhrə xala vəfat edib. Allah rəhmət eləsin. Məkanı cənnət olsun! Hamımızın başı sağ olsun. Allah övladlarına can sağlığı versin!”.
Qeyd edək ki, Zöhrə Cəfərsoy artıq uzun müddətdir koronavirus infeksiyasından əziyyət çəkirdi və süni tənəffüs cihazına qoşulmuşdu. Anar Cəfərsoy özü də koronavirusa yoluxub və hazırda xəstəxanada müalicə alır.
