Çin son vaxtlar nüvə proqramı, idarə olunan raket sınaqları və casus peyk buraxılışları ilə Koreya yarımadasında gərginliyi artırmaq üçün addımlar atan Şimali Koreya ilə yaxınlaşma əlamətləri göstərir.
NOCOMMENT.az “Xinhua”ya istinadla xəbər verir ki, Çin Prezident Şi Cinping və Simali Koreya lideri Kim Çen In yeni il təbrikində 2024-cü ili iki ölkə arasında “dostluq ili” elan etdiklərini açıqlayıb.
Mesajında Şi qeyd edib ki, Çin və Şimal arasında iki ölkənin keçmiş liderləri və partiyaların təşəbbüsü ilə yaranan ənənəvi dostluq “inqilabi mübarizədə möhkəmlənib” və “sosializm quruculuğu prosesində daim dərinləşib”.
“Çin Şimali Koreya ilə diplomatik əlaqələrin qurulmasının 75-ci ildönümünü qəbul edir. Çin-Şimali Koreya Dostluq İli bir fürsətdir. Biz uzunmüddətli dostluq və qarşılıqlı strateji etimadı dərinləşdirmək, əməkdaşlıq və qarşılıqlı əlaqələri artırmaqla regional sülh və sabitliyə töhfə vermək üçün birlikdə işləməyə hazırıq”.
Şimali Koreya lideri Kim də mesajında iki ölkə arasında diplomatik münasibətlərin qurulmasının 75-ci ildönümü olan 2024-cü ilin kritik bir il olduğunu, hər iki ölkədə “sosializm quruculuğu yeni tərəqqi mərhələsinə qədəm qoyduğunu” vurğulayıb.
