Vaşinqton və Kiyev sülh planı üzərində işi davam etdirir. Mətbuata bu prosesdən vaxtaşırı məlumat sızır. Rusiya, Ukraynanın hazırda nəzarətində olan Donbasın bəzi hissələrindən çıxmasını tələb edir. Kiyev isə bu şərtləri qəbul etməkdə tələsmir.
NOCOMMENT.az xəbər verir ki, birincisi, öz ərazisindən çıxmaq — hətta Rusiya onu “öz torpağı” elan etsə belə əvvəlcədən qəbul ediləcək qərar deyil və ümumiyyətlə, qəbul olunacağı da şübhəlidir. İkincisi, məhz bu ərazilərdə Ukrayna ordusu möhkəm müdafiə xətti qurub və onu tərk etmək də asan seçim deyil.
Açıq informasiya məkanında artıq Prezident Aparatının müşaviri Mixail Podolyakın bəyanatı yayılıb: Kiyev Donbasda demilitarizasiya olunmuş zona yaradılmasına razılıq verə bilər, lakin yalnız Rusiya qoşunlarını geri çəkəcəyi təqdirdə bu, baş verəcək. Moskvanın bu məsələdə necə davranacağı isə hələlik məlum deyil.
Qısacası, danışıqlar gedir, amma prosesin asan olmadığı açıq görünür. Bu vaxt isə cəbhədə qarşılıqlı hücumlar davam edir. Ən faciəlisi isə — Ukrayna şəhərlərinə hava zərbələri kəsilmir.
