Ukraynalı tanınmış müğənni Svetlana Loboda uzun müddətdir Rusiyada sata bilmədiyi dəbdəbəli daşınmaz əmlakını nəhayət ki, özgəninkiləşdirib. İfaçı Moskva ətrafında yerləşən 1200 kvadratmetrlik nəhəng malikanəsini 850 milyon rubla (təxminən 15,6 milyon manat) satmağa nail olub.
NOCOMMENT.az xarici mediaya istinadən xəbər verir ki, Loboda bu mülkə alıcı tapmaq üçün 2023-cü ildən bəri cəhdlər edirdi. Tələbatın olmaması səbəbindən o, "Knyajye Ozero" elit yaşayış kompleksindəki sarayını kirayəyə vermək məcburiətində qalmışdı və buranın aylıq icarə haqqı müştərilərə 1,3 milyon rubla başa gəlirdi. Cari ilin may ayında isə mülk rəsmən satılıb; uzaqgörən usadbanı Rusiyanın iri biznesmenlərindən biri satın alıb.
Bu fantastik məbləğin müqabilində yeni sahibinə daxili mebeli və xüsusi tərtibatı olan üçmərtəbəli yaşayış evi, dörd yataq otağı, iki yemək zalı, hovuz, cakuzi, bilyard otağı və bar keçib. Bundan əlavə, əraziyə baxımlı bağ, geniş söhbətgah, qonaq koteji, personal üçün yaşayış sahəsi, mühafizə postu və qaraj da daxildir.
Nikolo-Uryupino rayonundakı bu evi Loboda 2022-ci ildə Rusiyanı tərk etdikdən dərhal sonra satışa çıxarmışdı – o zaman müğənni mülk üçün 650 milyon rubl tələb etsə də, sonradan qiyməti qaldırmışdı. Hazırda Riqada yaşayan ifaçı Avropa boyu qastrol səfərlərini davam etdirir. Xatırladaq ki, bir müddət əvvəl Lobodanın Puketdə keçirdiyi şəxsi korporativ tədbirə görə Rusiyada ekstremist elan edilə biləcəyi barədə məlumatlar yayılmışdı.
Əli Səfərli,
NOCOMMENT.az
