“Ermənistanın Təbrizdə Baş Konsulluğunun açılmasına hazırlıq gedir”.
NOCOMMENT.az “Sputnik Armenia”ya istinadən xəbər verir ki, bu barədə məlumatı Ermənistan XİN yayıb. İran hökuməti Ermənistanın Təbrizdəki baş konsulluğunun açılışının 2024-cü ilin əvvəlinə planlaşdırıldığını bildirib.
Ermənistan XİN “Nəzərinizə çatdırırıq ki, indi hazırlıq işləri görülür. Nazirlik əlavə proseslər haqqında lazımi məlumatı verəcək” – deyə açıqlamasında qeyd edib.
Xatırladaq ki, daha öncə İranın xarici işlər naziri Hüseyn Əmir Abdullahiyan Ermənistanın Təbrizdəki Baş Konsulluğunun 2024-cü ilin əvvəlində açılacağına da ümid etdiyini bildirmişdi.
