“ABŞ İran və İsrail arasında genişmiqyaslı müharibə ehtimalından narahatdır”.
NOCOMMENT.az xəbər verir ki, Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi belə deyib.
O, İranın Dəməşqdəki konsulluğuna hücumdan sonra İsrailə qarşı təhdidləri şərh edərkən bildirib ki, bu mövzu İsrailin baş naziri Benyamin Netanyahu ilə ABŞ prezidenti Co Bayden arasında söhbət zamanı əsas məsələyə çevrilib.
Bundan əvvəl İranın ali dini lideri Əli Xamneyi İsrailə müraciət edərək, bu ölkəni İranın Dəməşqdəki konsulluğuna hücuma görə qisas alacağı ilə hədələyib.
