İranın mədəniyyət naziri Bakıya yollanıb.
NOCOMMENT.az “İRNA”ya istinadən xəbər verir ki, İranın mədəniyyət və İslami irşad naziri Məhəmməd Mehdi İsmaili bu gün səhər VI Ümumdünya Mədəniyyətlərin Dialoqu Forumunda iştirak etmək üçün Azərbaycanın paytaxtı Bakıya yola düşüb.
Məlumata görə, iranlı nazir Bakıya yola düşməzdən öncə bunları deyib:
“Biz bu forumdan etnik azlıqların mədəniyyəti sahəsində müxtəlif həqiqətləri ifadə etmək üçün istifadə edəcəyik. Beynəlxalq sistemdəki ədalətsiz vəziyyəti nəzərə alaraq, biz bütün imkanlardan istifadə edərək, faktları ortaya qoymalı və ictimai rəyi maarifləndirməli və məlumatlandırmalıyıq”.
