Livandan İsrailə kütləvi raket hücumu başlayıb.
NOCOMMENT Axar.az-a istinadən xəbər verir ki, bu haqda İsrailin “kodkodgroup” Teleqram kanalı məlumat yayıb.
Atılan raketlərdən 15-i Dəmir Qübbə tərəfindən zərərsizləşdirilsə də, yaşayış yerlərinə düşən raketlər də var.
Hücum nəticəsində 3 nəfərin yaralandığı bildirilir.
Baş nazir Netanyahu Təhlükəsizlik Şurasının təcili iclasını keçirib. Hayfa hava limanı və ölkənin şimal hissəsində hava məkanı uçuşa bağlanıb. İsrail qırıcılarının Livan istiqamətində uçuşlar keçirdiyi bildirilir.
***
Livan ərazisindən ən azı 34 raket buraxılıb, onlardan 25-i havadan müdafiə sistemləri tərəfindən məhv edilib, daha 5 raket isə İsrail ərazisinə düşüb.
Bu barədə İsrail ordusunun məlumatında deyilir.
***
Livan ərazisindən İsrailə hücumların arxasında HƏMAS hərəkatı dayana bilər.
Bu barədə İsrailin KAN radiostansiyası ordunun yüksək rütbəli hərbçisinə istinadən məlumat yayıb.
