Nikaraqua rəhbərliyi orada gizlənən Ekvadorun keçmiş vitse-prezidenti Xorxe Qlası həbs etmək üçün Meksikanın Kitodakı səfirliyinə basqın etdikdən sonra Ekvadorla diplomatik münasibətləri kəsmək qərarına gəlib.
NOCOMMENT.az xəbər verir ki, bu barədə TASS məlumat yayıb.
Nikaraqua hökuməti bəyanatında qeyd edir ki, bu qərar Kitoda hüquq-mühafizə orqanlarının əməkdaşları tərəfindən törədilən hərəkətlərə görə verilib.
Bundan əvvəl Ekvadorun keçmiş prezidenti Rafael Korrea ölkə polisinin Meksikanın Quitodakı səfirliyinə basqın etməsindən sonra Meksikadan üzr istəyib.
Aprelin 6-da səhər saatlarında Ekvador hakimiyyəti ölkə polisinin Meksikanın Kitodakı səfirliyinə basqın etməsini milli suverenliyin müdafiəsi adlandırıb.
Qeyd edək ki, Ekvador polisi rüşvətxorluq və korrupsiyada ittiham olunan Xorxe Qlası həbs etmək üçün Meksikanın Kitodakı diplomatik missiyasının binasına hücum edib. Ekvadorun sabiq vitse-prezidenti Qlas 2023-cü ilin dekabrında Meksika səfirliyinə sığınmışdı.
