Kremlin sözçüsü Dmitriy Peskov Kremlə pilotsuz təyyarələrlə edilən hücumlarda ABŞ-ı günahlandıraraq, “Biz bilirik ki, bu cür terror aktları ilə bağlı qərarlar Kiyevdə deyil, Vaşinqtonda verilir. Kiyev deyildiyi kimi edir” deyib.
NOCOMMENT xəbər verir ki, Peskov paytaxt Moskvada jurnalistlərə Ukraynaya aid pilotsuz təyyarələrin Kremlə hücumu ilə bağlı açıqlamalar verib.
Bəzi Amerika və Ukrayna rəsmilərinin hücumların “saxta” ola biləcəyi ilə bağlı açıqlamalarına reaksiya verən Peskov, “ABŞ və Ukraynada bu hücumu inkar etmək cəhdləri son dərəcə gülüncdür” deyib. Hücumların arxasında ABŞ-ın olduğunu vurğulayan Peskov, “Biz bilirik ki, bu cür terror aktları ilə bağlı qərarlar Kiyevdə deyil, Vaşinqtonda verilir. Kiyev deyildiyi kimi edir” deyib.
Hücum hədəflərinin ABŞ tərəfindən Ukraynaya çatdırıldığını müdafiə edən Peskov, “Kiyev hücum vasitələrini seçməkdə həmişə sərbəst deyil. Bu adətən okeanın o tayından müəyyən edilir. Biz bu vəziyyəti yaxşı bilirik” deyə vurğulayıb.
