ABŞ-nin New Orleans şəhərində qəbiristanlıqda gəzintiyə çıxan evli cütlüyün çəkdiyi foto sosial şəbəkələrdə geniş müzakirələrə səbəb olub.
NOCOMMENT.az-ın məlumatına görə, ilkin baxışda adi görünən fotoda hər hansı qeyri-adi detal seçilməsə də, görüntü və kontrast artırıldıqdan sonra kadrda insan siluetinə bənzər müəmmalı fiqurun ortaya çıxdığı iddia edilir.
Şəkli çəkən qadın bildirib ki, foto çəkilən anda ətrafda onlardan başqa heç kim olmayıb. Onun sözlərinə görə, kadrda görünən fiqurun izahı yoxdur.
Hadisə ilə bağlı sosial mediada fərqli fikirlər səsləndirilir. Bəzi istifadəçilər bunun işıq və kölgə oyunu olduğunu desə də, digərləri görüntünü paranormal hadisə kimi qiymətləndirir.
Mütəxəssislər isə bu cür halların çox vaxt optik effektlər, işıq bucağı və ya foto emalı nəticəsində yarana biləcəyini qeyd edirlər. Bununla belə, sözügedən görüntü hələ də müzakirə mövzusu olaraq qalır.
