“Ukraynanın dövlət orqanları hərbi vəziyyətə uyğun fəaliyyət göstərir və vəzifələrini tam şəkildə icra edir”.
NOCOMMENT xəbər verir ki, bunu report-a Ukrayna Ali Radasının (parlament) Milli təhlükəsizlik, müdafiə və kəşfiyyat komitəsinin hakim “Xalqın xidmətçisi” Partiyasından üzvü, deputat, Prezident Volodimir Zelenskinin xüsusi nümayəndəsi Fyodor Venislavski deyib.
O, Kiyev vaxtı ilə saat 05:30-da Ukrayna Prezidentinin Milli Təhlükəsizlik və Müdafiə Şurasının iclasını keçirdiyini xatırladıb. Bütün ölkə ərazisində hərbi vəziyyətin elan edilməsi haqqında fərman imzalanıb. Ukrayna Ali Radası ölkə Prezidentinin fərmanını 300 səslə təsdiq edib.
“Ukrayna Silahlı Qüvvələri Rusiya işğalçılarına qarşı müqavimət göstərir. Ukrayna Prezidenti daim Ukrayna xalqına müraciət edir və real vəziyyət barədə məlumat verir. Əhali arasında təşviş yoxdur”, – deyə F.Venislavski bildirib.
