İlk dəfə “Ermənistan” blokunun göstəricisi “Vətəndaş Müqavilə”sinin göstəricisindən bir qədər yüksək olub.
NOCOMMENT yenisabah-a istinadən xəbər verir ki, bunu “GALLUP İnternational Association” beynəlxalq qurumunun Ermənistan nümayəndəliyinin direktoru Aram Navasardyan jurnalistlərlə görüşündə bildirib.
Onun sözlərinə görə, yeni sosioloji sorğunun nəticələrinə görə, respondentlərin 24,1%-i “Ermənistan” blokuna, 23,8% -i “Vətəndaş Müqaviləsi” partiyasına səs verməyə hazırdır. Əvvəlki anketin nəticələri ilə müqayisədə, “Ermənistan” blokunun göstəricisi 3,5%, “Vətəndaş Müqaviləsi”nin göstəricisi isə 1,4% artıb.
Aram Navasardyan qeyd edib ki, sorğunun nəticələrinə görə, respondentlərin təxminən 51-52%-i polisin işini mənfi qiymətləndirir.
Eyni zamanda, müxtəlif şəxslərin fəaliyyəti qiymətləndirilərkən ən yüksək qiymətləndirmə yenidən ombudsmana verilib. Bütün digərlərinin qiymətləndirməsi müsbət diapazonda deyil.
