Gələn ilin ilk günlərində 2022-ci il sentyabrın 12-13-də Ermənistanın üç sərhəd rayonunun administrasiya rəhbərləri avropalı müşahidəçilərin texniki missiyasının yeni qrupu ilə görüşəcək.
NOCOMMENT Sputnik Armenia-ya istinadən xəbər verir ki, bu barədə Qeqarkunik vilayətinin (Göyçə mahalı) qubernatoru Karen Sarkisyan danışıb.
“İclasda problemlərimizi təqdim edəcəyik və qarşıdakı müzakirələrin gündəliyi ilə tanış olacağıq. Artıq bütün problemlər haqqında o qədər danışmışıq ki, ən azı, hansı işlərin görülməli olduğu barədə tam təsəvvürüm var”, – deyə Sarkisyan bildirib.
Qubernator rayonun sərhədyanı yaşayış məntəqələrində uşaq bağçalarının, məktəblərin, mülki əhalinin təhlükəsizliyinin təmin edilməsini, Azərbaycan Silahlı Qüvvələrinin Ermənistan Respublikasının suveren ərazisindən çıxarılmasını prioritet vəzifə adlandırıb.
Sarkisyan qeyd edib ki, Aİ-nin əvvəlki qısamüddətli missiyasının müşahidəçiləri 24 gün ərzində bölgədə növbətçilik ediblər və mütəmadi olaraq sərhədin müxtəlif hissələrinə baş çəkiblər.
“Biz onlarla sərhədin müxtəlif hissələrində günün müxtəlif vaxtlarında rastlaşa bilərdik. Yerli sakinlərin monitorinq missiyasının şahidi olması çox yaxşı idi”, – deyə Qeqarkunik vilayətinin qubernatoru bildirib.
Xatırladaq ki, dekabrın 26-da İctimai Televiziyaya müsahibəsində Təhlükəsizlik Şurasının katibi Armen Qriqoryan bildirmişdi ki, avropalı müşahidəçilərin yeni sərhəd missiyası artıq Ermənistandadır.
