Bildiyiniz kimi, hazırda CHP daxilində bir münaqişə, bölünmə var. Mən həmişə demişəm və bir daha deyirəm ki, AKP olaraq CHP daxilində bu mübarizənin, bu daxili qarşıdurmanın tərəfi deyilik. Dünən də olmadıq, bu gün də yoxuq və sabah da olmayacağıq.
NOCOMMENT.az xəbər verir ki, bunu Türkiyə Prezidenti Rəcəb Tayyib Ərdoğan deyib.
“Bir-birinə tələ qurdular, bir-birinə quyu qazdılar. Bir-birindən şikayət etdilər və bu nöqtəyə bizim vasitəmizlə deyil, məhkəmə sistemi vasitəsilə deyil, öz hərəkətləri ilə çatdılar. İndi bunun bədəlini ödəyirlər. Buna baxmayaraq, arzumuz və ümidimiz CHP-nin öz sıralarındakı bu xarici qüvvələrdən xilas olmasıdır ki, bu da şübhəsiz ki, həm Türkiyə siyasəti, həm də bütövlükdə Türkiyə üçün faydalı olardı”, - Ərdoğan əlavə edib.
Qeyd edək ki, məhkəmə CHP-nin 4-5 noyabr 2023-cü il tarixlərində keçirilmiş 38-ci qurultayının nəticələrini ləğv edib, partiyanın sədri Özgür Özəl vəzifəsindən kənarlaşdırılıb. Kamal Kılıçdaroğlu isə yenidən partiya rəhbərliyinə gətirilib. Hazırda bu iki şəxs arasında gərgin mübarizə hökm sürür./Bakıvaxtı.az/
