Rusiyanın xarici işlər naziri Sergey Lavrov İndoneziyanın Bali adasında keçirilən G20-nin toplantısını yarımçıq tərk edib.
NOCOMMENT report-a istinadən xəbər verir ki, bunu Rusiya Xarici İşlər Nazirliyinin sözçüsü Mariya Zaxarova iyulun 8-də DPA agentliyinə müsahibəsində bildirib.
Məlumata görə, S.Lavrov rəsmi naharda iştirak etməyəcək, habelə günü ikinic yarısında G20-nin iclasına qatılmayacaq.
Bildirilib ki, S.Lavrov çıxışdan sonra iclas zalını tərk edib. O, Almaniyanın xarici işlər naziri Annalena Berbokun çıxşını gözləməyib. Almaniyalı nazir Rusiyanı Ukraynada apardığı müharibəyə görə sərt mühakimə edəcəkmiş.
Qeyd edək ki, G20-yə üzv dövlətlərin xarici işlər nazirləri rusiyalı həmkarlaı ilə birgə şam yeməyindən və ailə fotosu çəkdirməkdən imtina ediblər.
Xatırladaq ki, iyulun 7-də qrupun xarici işlər nazirlərinin görüşü başlayıb.
