"ABŞ Müdafiə Nazirliyinin nümayəndəsi Pit Heqset jurnalistlərlə görüşü zamanı Kuba prezidenti Migel Dias-Kanellə bağlı verilən sualı cavablandırıb. Ona Kuba liderinin “qaçırılması” ehtimalı ilə bağlı sual ünvanlanıb."
NOCOMMENT.az Rusiya mediasına istinadən xəbər verir ki, ABŞ Müdafiə Nazirliyinin (Pentaqon) rəsmisi Pit Heqset mətbuat konfransı zamanı Vaşinqtonun Kuba ilə bağlı planlarına dair sensasion və kəskin bəyanat səsləndirib. Jurnalistlərin Kuba liderinin pərdəarxası yollarla "qaçırılması" və ya devrilməsi ehtimalı barədə verdiyi suala Heqset qısa və sərt şəkildə cavab verib: “Bütün variantlar masadadır”. O, həmçinin əlavə edib ki, adaya qarşı atılacaq hər hansı mümkün radikal addımlarla bağlı son və qəti qərarı birbaşa ABŞ Prezidenti verəcək.
Son aylarda ABŞ-Kuba münasibətlərində gərginliyin görünməmiş dərəcədə artdığı, Vaşinqtonun Havana üzərində siyasi və iqtisadi sanksiya təzyiqlərini maksimuma çatdırdığı bildirilir. Kuba hökuməti isə Ağ Evin bu təhdid dolu ritorikasını kəskin pisləyərək, ABŞ-ın yürütdüyü sərt siyasətin ölkənin suverenliyinə və beynəlxalq hüquq normalarına qarşı birbaşa qəsd olduğunu bəyan edib. Beynəlxalq müşahidəçilər Pentaqon rəsmisinin bu açıqlamasını Karib hövzəsində yeni bir hərbi-siyasi qarşıdurmanın siqnalı kimi dəyərləndirirlər.
Sara,
