Rusiya prezidentinin sözçüsü Dmitri Peskov Ermənistan Baş naziri Nikol Paşinyanın Qarabağdakı rus sülhməramlıları ilə bağlı sözlərinə cavab verib.
NOCOMMENT Sputnik Armenia-ya istinadən xəbər verir ki, Kremlin sözçüsü Ermənistan rəhbərinin ittihamlarını qəbul etmədiklərini deyib.
“Rusiya sülhməramlıları fəaliyyət göstərdikləri ərazilərdə asayişi və əmin-amanlığı təmin etmək üçün hər şeyi edirlər. Onlar yalnız tərəflərin imzaladığı sənədlərin ruhuna uyğun hərəkət edirlər”, – deyə Peskov bildirib.
Nikol Paşinyan bundan əvvəl Rusiya sülhməramlılarını öz öhdəliklərini yerinə yetirməməkdə ittiham edib.
