“Azərbaycan Televiziya və Radio Verilişləri” QSC-nin bədii rəhbəri Ranar Musayev və baş rejissoru Ziya Ağa vəzifələrindən ayrılıblar.
NOCOMMENT xəbər verir ki, bu barədə qafqazinfo-ya telekanalın Sosial media və ictimaiyyətlə əlaqələr şöbəsinin rəisi Nərgiz Rəfiyeva bildirib.
“Ziya Ağa fevralda, Ranar Musayev isə martda işdən ayrılıb. Hər ikisi öz istəyi ilə”, – deyə Rəfiyeva faktı təsdiq edib.
Sözçü əlavə edib ki, onların yerinə yeni təyinat yoxdur.
Qeyd edək ki, R.Musayev bədii rəhbər vəzifəsinə 2019-cu ilin fevralında təyin olunmuşdu.
