NOCOMMENT.az Rusiya mətbuatına istinadən xəbər verir ki, Türkiyənin səhiyyə naziri Fəxrəddin Qoca ölkəsinin döyüşlər zamanı yaralanan fələstinlilərə yardım göstərmək üçün səhra xəstəxanası yaratmağa hazır olduğunu bildirib. Departamentin saytı xəbər verir ki, o, bu barədə iordaniyalı həmkarı Firas əl-Havari ilə danışıqlar zamanı bildirib.
Türkiyəli nazirin sözlərinə görə, görüşün əsas mövzularından biri Qəzza zolağının sakinlərinə tibbi yardımın göstərilməsi zərurəti olub. Eyni zamanda o əlavə edib ki, Ankara və Əmman bu problemin həlli üçün mümkün yolları müzakirə etməyə başlayıb.
“Mən iordaniyalı həmkarıma bildirdim ki, biz səhra xəstəxanası yaratmağa və lazım gələrsə, yaralıların sonrakı müayinə və müalicə üçün hava yolu ilə ölkəmə daşınmasını təmin etməyə hazırıq”, – deyə Türkiyəli nazir vurğulayıb.
O, həmçinin əlavə edib ki, Türkiyə tərəfi səhra xəstəxanasına dərman və avadanlıqların tədarükünü təşkil edə bilər. Bundan əlavə, Ankara həkimlərə və digər tibb işçilərinə dəstək vermək niyyətindədir.
