Türkiyədə son 24 saat ərzində daha 16 nəfər yeni növ koronavirusdan (COVİD-19) dünyasını dəyişib.
NOCOMMENT.az xəbər verir ki, bu barədə Türkiyənin səhiyyə naziri Fahrettin Koca öz “Twitter” səhifəsində bildirib ki, koronavirusdan ölənlərin ümumi sayı 5 131 nəfərə çatıb.
Nazirin sözlərinə görə, ölkədə 1 302 yeni yoluxma halı qeydə alınıb, yoluxanların ümumi sayı 199 906 nəfərə çatıb.
Nazir qeyd edib ki, ölkədə koronavirusdan sağalanların ümumi sayı son 24 saatda 1 386 nəfər olmaqla 173 111 nəfər təşkil edir.
