NOCOMMENT.az Rusiya mətbuatına istinadən xəbər verir ki, Hazırda Moskva ilə Vaşinqton arasında münasibətlərin yaxşılaşdırılması imkanları görünmür. Bu sözləri Rusiya Federasiyası xarici işlər nazirinin müavini Sergey Ryabkov “Primakov oxunuşları” elmi-ekspert forumunda çıxışı zamanı deyib.
“Birləşmiş Ştatlarla münasibətlərə gəlincə, mənim fikrimcə, onların yaxşılaşdırılması və xüsusən də bu gün hansısa yüksəliş tendensiyasına keçməsi perspektivləri sadəcə görünmür”, – diplomat bildirib.
Onun sözlərinə görə, 2024-cü ildə ABŞ-da keçiriləcək prezident seçkilərindən sonra da Rusiya-Amerika münasibətlərində heç bir irəliləyiş olmayacaq. Ryabkov vurğulayıb ki, ABŞ Konqresində səsvermənin nəticələrindən və qüvvələrin bölgüsündən asılı olmayaraq hər hansı dəyişikliyə ümid etmək olmaz.
