Avropalı iqlim ekspertləri Aralıq dənizi və Avropanın cənubunda quraqlığın müşahidə olunacağı ilə bağlı xəbərdarlıq ediblər.
NOCOMMENT.az xəbər verir ki, Avropa İttifaqının Kopernik İqlim Dəyişikliyi Xidmətinin “2022-ci il Avropa İqlim Bəyanatı” hesabatı dərc olunub.
Hesabata görə, son 8 il dünyanın ən isti dövrü olub. 2022-ci ilin isə Avropada qeydə alınan ən isti ikinci il olduğu açıqlanıb.
Keçən yay yaşanan quraqlıq və meşə yanğınlarına diqqət çəkilən hesabatda “Avropada havanın temperaturu qlobal orta göstəricidən 2 dəfə sürətlə yüksəlir. Bu artım tempi digər qitələrdən yüksəkdir” deyə qeyd edilib.
Avropanın üçdə birinin 2022-ci ilin yayında quraqlıqdan ciddi şəkildə təsirləndiyi, qitənin 63 faizində çayların orta axınında azalma müşahidə edildiyi bildirilib.
Qeyd edək ki, açıqlamada şaylarda azalmanın son 6 ildə də davam etdiyi vurğulanıb.
NOCOMMENT.AZ