Rusiyanın Dövlət Dumasında nəqliyyat vasitəsinin qeydiyyat şəhadətnaməsinin (STS) sürücüdə olmadığı üçün avtomobilin cərimə meydançasına aparılması təcrübəsinə dəyişiklik edilməsi təklif olunub.
NOCOMMENT.az xəbər verir ki, deputatlar bu tədbiri həddindən artıq sərt hesab edərək ləğv edilməsinin vacibliyini vurğulayıblar.
Parlamentarilərin mövqeyinə görə, sürücünün avtomobilin sahibi olduğu elektron formada təsdiqlənə bildiyi və nəqliyyat vasitəsinin oğurluq siyahısında olmadığı halda, evakuasiya qeyri-məntiqlidir.
Qeyd edək ki, mövcud qaydalara əsasən yol polisi əməkdaşları nəqliyyat vasitəsinin qeydiyyat şəhadətnaməsi olmadığı halda avtomobili cərimə meydançasına evakuasiya etmək hüququna malikdirlər.
İnzibati Xətalar Məcəlləsinə (İXM) görə, STS olmadan sürməyə görə 500 rubl məbləğində cərimə nəzərdə tutulub.
