İran Avropa dövlətlərinin Hörmüz boğazının təmizlənməsində iştirakına icazə vermək imkanını nəzərdən keçirir.
NOCOMMENT.az xəbər verir ki, bu haqda Bloomberg yazıb.
Agentliyin qeyd etdiyi kimi, belə bir addım gəmiçiliyin normallaşdırılması üzrə razılaşmanın bir hissəsi ola bilər və İran ilə ABŞ arasında sülh danışıqlarının irəliləməsinə töhfə verə bilər.
Tehran dəfələrlə açıq şəkildə bəyan edib ki, digər ölkələrin boğazın minalardan təmizlənməsində iştirakına icazə verməyəcək.
Lakin diplomatların sözlərinə görə, son həftələrdə keçirilən qapalı görüşlərdə İran tərəfi mövqeyini yumşaldıb.
Mütəxəssislər hesab edirlər ki, Avropa ölkələrinin iştirakı gəmiçilik və sığorta şirkətlərinə təhlükəsizlik zəmanəti verə, həmçinin münaqişənin tənzimlənməsi üzrə diplomatik səyləri dəstəkləyə bilər.
