Rusiya Prezidentinin mətbuat katibi Dmitri Peskov ABŞ Prezidenti Donald Trampın Rusiya və Ukrayna arasındakı atəşkəsin mayın 11-nə qədər uzadılması ilə bağlı səsləndirdiyi fikirlərə münasibət bildirməyib. O, jurnalistlərlə görüşündə bu məsələ ilə bağlı rəsmi izahatın tezliklə dövlət başçısının köməkçisi Yuri Uşakov tərəfindən veriləcəyini qeyd edib.
NOCOMMENT.az xəbər verir ki, Peskov açıqlamasında həmkarı Uşakovun bu mövzuda xüsusi brifinq keçirəcəyini və bütün lazımi aydınlığın həmin vaxt gətiriləcəyini vurğulayıb. Xatırladaq ki, bundan əvvəl Rusiya tərəfi Trampın təşəbbüsü ilə mayın 9-dan 11-nə qədər davam edəcək müvəqqəti atəşkəs və genişmiqyaslı əsir mübadiləsi təklifini qəbul etdiyini təsdiqləmişdi. Kreml sözçüsünün bu ehtiyatlı mövqeyi gərgin diplomatik müzakirələrin davam etdiyinə işarə kimi qiymətləndirilir.
Sara
