Ermənistanın yeni baş prokuroru Anna Vardapetyan hərbi prokuroru və onun iki müavinini işdən çıxarıb.
NOCOMMENT Sputnik Armenia-ya istinadən xəbər verir ki, yeni baş prokuror işə başlayandan bir gün sonra baş prokurorun müavini, hərbi prokuror Vaqe Arutyunyanın vəzifəsindən azad edilməsi haqqında fərman imzalayıb.
Həmin gün hərbi prokurorun müavini Arsen Sardaryan da vəzifədən azad edilib.
Sentyabrın 19-da hərbi prokurorun digər müavini Sevak Ovannisyan tutduğu vəzifədən çıxarılıb. Maraqlıdır ki, Ovannisyan bu vəzifəyə cəmi 3 gün əvvəl – sentyabrın 16-da təyin edilmişdi.
Anna Vardapetyan bundan əvvəl Ermənistan ədliyyə nazirinin müavini işləyib. 2020-ci ilin mart ayından Baş nazirin köməkçisi vəzifəsində çalışıb.
Vardapetyan bu il sentyabrın 15-də Ermənistan Respublikasının yeni baş prokuroru kimi işə başlayıb.
