Fransa Avropa İttifaqının Fələstin əhalisinə yardımının dayandırılmasına qarşıdır.
NOCOMMENT.az xəbər verir ki, bu barədə “Reuters” Xarici İşlər Nazirliyinə istinadən məlumat yayıb .
“Biz Fələstin xalqına birbaşa yardımın dayandırılmasını dəstəkləmirik. Dünən biz bunu Avropa Komissiyasına açıqladıq”, – agentlik xarici işlər nazirliyindən sitat gətirib.
Bundan əvvəl, oktyabrın 9-da Avropanın Genişlənmə və Qonşuluq Siyasəti üzrə komissarı Oliver Varhelyi Fələstinə 691 milyon avroluq yardımın dondurulduğunu elan edərək, “bütün ödənişlərin dayandırılacağını, bütün layihələrə yenidən baxılacağını” vurğulamışdı.