Bakının Xətai rayonu ərazisində, Ukrayna dairəsi yaxınlığında yerləşən yerüstü piyada keçidində bir nəfər şəxsin körpüyə çıxaraq oradan özünü atmaq istəməsi ilə bağlı hadisə qeydə alınıb.
NOCOMMENT.az xəbər verir ki, hadisə şahidlərinin sözlərinə görə, əraziyə dərhal polis əməkdaşları və təcili tibbi yardım briqadası cəlb olunub. Hadisənin qarşısının alınıb-alınmadığı və şəxsin sağlamlıq vəziyyəti ilə bağlı hələlik rəsmi məlumat açıqlanmayıb.
Əraziyə toplaşan insanların görüntüləri sosial şəbəkələrdə də yayılıb. Faktla bağlı araşdırma aparılır.
