Goranboyda yol qəzası olub.
NOCOMMENT.az – ın yerli bürosunun məlumatına görə, hadisə Bakı-Qazax magistral yolunun rayonun Goran qəsəbəsi ərazisindən keçən hissəsində qeydə alınıb.
Hərəkətdə “Ford” markalı yük avtomobili “KamAZ” markalı yük avtomobilinə arxadan çırpılıb. Qəza zamanı “Ford” deformasiya uğrayıb.
Dərhal hadisə yerinə FHN-nin Aran Regional Mərkəzinin Xususi Xilasetmə Hissəsinin xilasediciləri cəlb edilib.
Avtomobildə sıxılmış vəziyyətdə qalmış sürücü 1990-cı il təvəllüdlü Arzu Cəfərov xilasedicilər tərəfindən çıxarılıb.
Xəsarət alan sürücü xəstəxanaya yerləşdirilib, onun vəziyyətinin orta ağır olduğu bildirilir.
Hadisə yerinə polis əməkdaşları cəlb edilib.
Faktla bağlı araşdırma aparılır.
