Argentinanın Pataqoniya bölgəsində ucaldılan nəhəng Lionel Messi heykəli sosial şəbəkələrdə tənqid dalğası yaradıb.
NOCOMMENT.az xəbər verir ki, Pataqoniyanın Kutral-Ko şəhərində ucaldılan, hündürlüyü təxminən 26 metr olan Lionel Messi heykəli internetdə geniş müzakirələrə səbəb olub.
Sosial şəbəkə istifadəçiləri heykəlin Messinin simasını uğurla əks etdirmədiyini yazır, xüsusilə üz cizgiləri və Dünya Kuboku kubokunun təqdimatını tənqid edirlər.
Heykəl 2022-ci il dünya çempionatında Argentina millisinin qələbəsindən sonra Messinin məşhur sevinc anını əks etdirmək məqsədilə hazırlanıb. Buna baxmayaraq, abidənin görünüşü sosial mediada çoxsaylı istehzalı paylaşımlara səbəb olub.
