Azərbaycan Dövlət Gömrük Komitəsinin Tibbi Xidmət İdarəsinin Mərkəzi Hospitalı ümumi tibbi sərfəli materialların satın alınması ilə bağlı tender keçirib.
NOCOMMENT.az xəbər verir ki, tenderin qalibi “PAŞA-K” MMC-dir.
Buna görə şirkətə 1 milyon 400 min manat ödəniləcək.
Qeyd edək ki, “PAŞA-K” MMC-nin nizamnamə kapitalı isə 2 manat təşkil edir. Şirkətin dövlətə 188 min 726,5 manat vergi borcu var. Müəssisənin qanuni təmsilçisi Elxan Rzayevdir.
Məlumat üçün deyək ki, "PAŞA-K" firmasına gömrük qaydalarını pozduğuna görə, müxtəlif dövrlərdə cərimələr tətbiq edilib. Bundan başqa, “PAŞA-K” şirkəti son dövrlərdə mətbuatda keçmiş əməkdaşların şikayətləri və müxtəlif iddialarla bağlı gündəmə gəlib. Firma 20 ildir ki, əczaçılıq mallarının topdan və pərakəndə satışı ilə məşğuldur. Plat.az
