ABŞ Mərkəzi Komandanlığı (CENTCOM) İrana qarşı tətbiq edilən dəniz blokadasını yarmağa cəhd edən gəmilərə qarşı güc tətbiqini davam etdirir. Regionda gərginliyin artması fonunda növbəti tanker hərbi əməliyyatla dayandırılıb.
NOCOMMENT.az xarici mətbuata istinadən xəbər verir ki, ABŞ hərbi qüvvələri Oman körfəzində ard-arda ikinci gün olaraq İrandan neft çıxarmağa çalışan daha bir neft tankerini hərbi zərbə ilə sıradan çıxarıb. ABŞ Mərkəzi Komandanlığının (CENTCOM) yaydığı rəsmi bəyanatda bildirilir ki, iyunun 9-u saat 23:14 radələrində qüvvədə olan blokada qaydalarını pozan Palau bayrağı altında üzən "M/T Settebello" tankeri hədəf alınıb.
Məlumata görə, gəmi Oman körfəzini keçərkən ABŞ hərbçilərinin dərhal dayanmaq tələblərini dəfələrlə qeyd-şərtsiz cavabsız qoyub. Bundan sonra ABŞ hərbi təyyarəsi tankerin maşın şöbəsinə yüksək dəqiqlikli döyüş sursatları ilə nöqtəvi zərbə endirərək onu hərəkətdən məhrum edib. CENTCOM bəyanatda onu da diqqətə çatdırıb ki, cari ilin aprelin 13-dən başlayan rəsmi blokada rejimindən bəri ABŞ qüvvələri qaydaları pozan 8 gəmini hərbi yolla sıradan çıxarıb, xəbərdarlığa tabe olan 134 gəminin istiqamətini dəyişdirib, həmçinin humanitar yardım daşıyan 42 gəminin isə ərazidən maneəsiz keçidinə icazə verib.
Sara,
NOCOMMENT.az
