ABŞ-də rekord istilər futbol oyunlarının təxirə salınmasına səbəb ola bilər.
NOCOMMENT.az xəbər verir ki, bu barədə "The Guardian" nəşri məlumat yayıb. Məlumata görə, ABŞ-də bu həftəsonu gözlənilən ekstremal istilər həm ölkənin Müstəqillik Günü tədbirlərinə, həm də futbol üzrə dünya çempionatının oyunlarına təsir göstərə bilər.
Bildirilib ki, Filadelfiyada keçirilməsi planlaşdırılan Fransa - Paraqvay oyununun yüksək temperatur səbəbindən təxirə salınması və ya gec başlaması istisna edilmir. Mayamidə baş tutacaq Kabo-Verde - Argentina qarşılaşmasının isə yüksək rütubət və təhlükəli istilik şəraitində keçiriləcəyi gözlənilir.
