Moldova qazın alınması üçün 165 milyon avro kredit götürmək qərarına gəlib.
NOCOMMENT.az Rusiya mətbuatına istinadən xəbər verir ki, müvafiq saziş Respublika parlamenti tərəfindən təsdiqlənib.
Moldova üçün pulu Avropa Yenidənqurma və İnkişaf Bankı (AYİB) ayıracaq.
“Deputatlar “enerji təhlükəsizliyi” layihəsi çərçivəsində kredit və qrant almaq barədə Sazişi ratifikasiya ediblər”, — məlumatda deyilir.
Bundan əlavə, Norveç hökuməti də bu məqsədlər üçün Moldovaya 34 milyon avro qrant ayırmağı planlaşdırır.
