Macarıstanın baş naziri Viktor Orban Qərb ölkələrinin yaxın 2-3 ay ərzində Ukraynaya quru qoşunları göndərə biləcəyini istisna etməyib, çünki hadisələrin gedişatı göstərir ki, əvvəlcə mümkün olmayan planlar sonradan reallığa çevrilir.
NOCOMMENT.az xəbər verir ki, onun sözlərini RİA Novosti sitat gətirir.
Onun sözlərinə görə, “ən qorxulusu odur ki, iki-üç ay əvvəl ağlasığmaz olan şey iki-üç ay sonra gündəlik hadisəyə çevrilir”.
O, həmçinin xatırladıb ki, Berlin əvvəllər Kiyevə uzun mənzilli silahları çatdırmaq istəmədiyini bildirmişdi , indi isə Moskvaya çata biləcək raketlərin ötürülməsindən danışırıq.
