Azərbaycanın fiqurlu konkisürəni Yekaterina Ryabova Pekin-2022 Qış Olimpiya Oyunlarında final mərhələsinə vəsiqə qazanıb.
NOCOMMENT xəbər verir ki, 19 yaşlı idmançı qısa proqramda 61,82 xala layiq görülüb və hazırda 10-cu sıradadır.
Çıxışlara başlamayan cəmi 6 iştirakçı qaldığından, Ryabova ən yaxşı 24 iştirakçı arasına düşməyi təmin edib. Konkisürən fevralın 17-də sərbəst proqramda mübarizə aparacaq.
