Ermənistan ordusunun yaradılmasının ildönümü bu yubiley ilində geniş miqyasda qeyd olunmayacaq.
NOCOMMENT yenisabah.az xəbər verir ki, bu barədə “Hraparak” qəzeti yazıb.
Erməni nəşri qeyd edir: “Dünən “Dvin” otelində baş tutmalı olan geniş miqyaslı bayram tədbiri ləğv edilib. Buna səbəb Ermənistan Silahlı Qüvvələrinin rəhbərliyində olan bir sıra yüksək rütbəli məmurlara və bəzi dəvətlilərə, o cümlədən Silahlı Qüvvələrin Baş Qərargah rəisi Artak Davtyan və nazir Suren Papikyanın koronavirus diaqnozu qoyulub.
Xatırladaq ki, Baş nazir Nikol Paşinyana ikinci dəfə COVID-19 diaqnozu qoyulub və özünü təcrid etdiyi məlum olub. Belə görünür ki, hakimiyyət bugünkü hadisələri sistemli şəkildə iflasa uğradıb. Bütün bunların mütəşəkkil demarş kimi qiymətləndirilməməsi üçün “Vətəndaş Müqaviləsi” yanvarın 28-30-da Dilicanda keçirilməsi nəzərdə tutulan 3 günlük toplantını da ləğv edib. Artıq Dilicana getməyə ehtiyac yoxdur, onların Ordu Günü – koronavirusla bağlı tədbirlərdə iştirakdan yayınmaq üçün kifayət qədər əsasları var”.
