İsveçdə yaşayan Fəthullahçı Terror Təşkilatının (FETÖ) üzvü Bülənt Keneşin Türkiyəyə ekstradisiyası tələbinin rədd edildiyi açıqlanıb.
NOCOMMENT teleqraf-a istinadən xəbər verir ki, İsveç Ali Məhkəməsindən verilən açıqlamada ekstradisiya tələbinin yerinə yetirilməsi üçün şübhəlinin 1 il və ya daha çox müddətə azadlıqdan məhrum edilməsinin lazım olduğu və Keneş üçün belə bir durumun olmadığı bildirilib.
Prezident Rəcəb Tayyib Ərdoğan noyabrın 9-da İsveç Baş naziri Ulf Kristersson ilə görüşündə FETÖ-çü Bülent Keneşin təhvil verilməsinin Türkiyə üçün böyük önəm kəsb etdiyini demişdi.
“Today’s Zaman” qəzetinin keçmiş baş redaktoru Keneş İsveçdə yaşayır.
İsveç NATO-ya üzvlüklə bağlı anlaşdığı Türkiyə qarşısında PKK və FETÖ terrorçularının Ankaraya təhvil verilməsinə dair öhdəlik götürüb. Türkiyə öhdəliklərini yerinə yetirilməyəcəyi təqdirdə İsveçin alyansa üzvlük prosesinə veto qoyacağını açıqlayıb.
