Ermənistanın baş naziri Nikol Paşinyan bütün ermənilərin katolikosu II Qareginin rəhbərliyi ilə İrəvanda Müqəddəs Qriqori İlluminator kilsəsində keçirilən Milad mərasimində iştirak etməyib.
NOCOMMENT modern-ə istinadən xəbər verir ki, ümumiyyətlə, mərasimə hökumətin heç bir nümayəndəsi qatılmayıb. Hətta prezident Vaaqn Xaçaturyan və parlamentin spikeri Alen Simonyan da dini ayinə gəlməyi lazın bilməyib.
Ermənistan KİV-i hökumətin bu davranışını Erməni Apostol Kilsəsinə sayğısızlıq kimi qiymətləndirib.
“Artıq 3-cü ildir ki, hakimiyyət Milad mərasiminə qatılmır, bu da Apostol Kilsəsinə, bütün ermənilərin katolikosuna və ümumilikdə inanca açıq hörmətsizlikdir”, – deyə “Hraparak” qəzeti yazıb.
Hakim elitanın nümayəndələri isə heç bir dəvət almadıqlarını və buna görə də mərasimdə iştirak etmədiklərini iddia edib.
