Rusiya Xarici İşlər Nazirliyinin rəhbəri Sergey Lavrov Ukrayna Prezidenti Volodimir Zelenskinin Belarusla bağlı bəyanatlarını şərh edib.
NOCOMMENT.az xəbər verir ki, Lavrov bu addımı birbaşa münaqişəni genişləndirmək cəhdi kimi qiymətləndirib:
"Bu, açıq-aşkar Belarusun birbaşa münaqişəyə cəlb olunmasına və döyüş əməliyyatlarının coğrafiyasının genişləndirilməsinə hesablanıb. Bununla da münaqişənin siyasi-diplomatik vasitələrlə tənzimlənməsi imkanları çətinləşdirilir", – deyə Rusiya XİN rəhbəri bildirib.
Lavrov xatırladıb ki, ötən ilin martından Moskva və Minsk arasında təhlükəsizlik zəmanətləri haqqında müqavilə qüvvədədir: "Zərurət yarandığı təqdirdə, biz müttəfiqimizin təhlükəsizliyini təmin etmək üçün müqavilədə nəzərdə tutulan bütün kompleks tədbirləri həyata keçirməyə hazırıq".
Əli Səfərli,
NOCOMMENT.az
