Dünən Ermənistan Təhlükəsizlik Şurasının katibi Armen Qriqoryanın İranın bu ölkədəki səfiri Abbas Bədəxşan Zühuri ilə görüşü sosial mediada müzakirələr yaradıb.
NOCOMMENT axar.az-a istinadən xəbər verir ki, Azərbaycan və Ermənistan sərhədində döyüş əməliyyatları davam edərkən Ermənistan TŞ katibinin məhz İran səfiri ilə görüşməsi və “təhlükəsizlik məsələlərini, sərhəddəki silahlı qarşıdurmanı və bölgədə nəqliyyat-kommunikasiya xətlərinin açılmasını” müzakirə etməsi diqqət çəkib.
Xatırladaq ki, Azərbaycan rəsmiləri sərhəddəki gərginliklə bağlı heç bir səfirlə birbaşa görüş keçirməyib, heç Ermənistan tərəfinin də dünən – İran səfirindən başqa – digər ölkələrin səfirləri ilə ikitərəfli məsləhətləşmələr apardığı haqda məlumat yoxdur.
