Mətbuatda Rusiyada istehsal olunan bir sıra çay məhsullarında təhlükəli kimyəvi maddələrin aşkarlanması ilə bağlı məlumatlar yayılıb.
NOCOMMENT.az bildirir ki, Azərbaycan Qida Təhlükəsizliyi Agentliyi (AQTA) Oxu.Az-ın sorğusuna cavab olaraq bildirib ki, ölkəmizə idxal olunan həmin çay brendlərindən – “Greenfield” və “Tess” çeşidlərindən nümunələr götürülərək laborator müayinələrə cəlb edilib.
Məlumata görə, yoxlamalar riskəsaslı yanaşma əsasında həyata keçirilir və araşdırmalar hazırda davam etdirilir.
Agentlik bildirib ki, nəticələrlə bağlı ictimaiyyətə əlavə məlumat veriləcək.
