Yardımlıda bağlanan sinfin şagirdləri təhsillərini davam etdirmək üçün qonşu kənd məktəbinə gedirlər.
NOCOMMENT.az -ın Cənub bürosunun verdiyi xəbərə görə,.söhbət Şıxlar kənd orta məktəbinin 4-cü sinif şagirdlərindən gedir.
Şagirdlər sentyabrdan bağlanan siniflərinə görə məcburiyyətdən təhsillərini Çanaqbulaq kənd orta məktəbində davam etdirirlər.
Valideynlər deyir ki, Çanaqbulaq kəndinə gedən yol bərbad vəziyyətdədir:
“Əsasən də qarlı və şaxtalı havalarda çətinlik daha da artır. Buna görə də bəzən övladlarımızı məktəbə atla aparıb-gətirməyə məcbur qalırıq”.
Valideynlər bildirir ki, sinfin yenidən açılması üçün tələb olunan şagird sayı artıq mövcuddur:
Hazırda valideynlər övladlarının öz kəndlərində təhsil almaları üçün sinif otağının yenidən açılmasını müvafiq qurumlardan xahiş edirlər.
Qeyd edək ki, şagirdlərin Şıxlar kəndindən Çanaqbulaq kəndinə getmələri də vaxt itkisinə səbəb olur.
