Rusiya, Ukrayna və ABŞ nümayəndələri arasında növbəti danışıqlar 4 və 5 fevral tarixlərinə planlaşdırılıb. Görüş Əbu-Dabidə ( BƏƏ ) keçiriləcək.
NOCOMMENT.az xəbər verir ki, bu barədə Ukrayna lideri Vladimir Zelenski özünün Telegram kanalında məlumat verib.
“Ukrayna əsaslı müzakirələrə hazırdır və biz nəticənin bizi müharibənin real və ləyaqətli sonluğuna yaxınlaşdıracağına əmin olmaqda maraqlıyıq. Kömək edən hər kəsə təşəkkür edirəm!”, – deyə Ukrayna prezidenti yazıb.
Daha əvvəl Federasiya Şurasının Beynəlxalq Məsələlər Komitəsi sədrinin birinci müavini Vladimir Cabarov bildirib ki, Kiyevin sülh danışıqlarına ehtiyacı yoxdur. O hesab edir ki, müharibə onların külli miqdarda xarici yardım almağa davam etməsi üçün lazımdır. “Və, açığı, müttəfiq ölkələrdən gələn yardımı israf etmək lazımdır”, – deyə o bildirib.
İtaliyanın Ermənistandakı keçmiş səfiri Bruno Skapini hesab edir ki, Ukrayna lideri ölkəsinin maraqlarını müdafiə edir, çünki onun arxasında münaqişəni davam etdirmək istəyən Qərb liderləri var. Skapini qeyd edib ki, o, mövqeyini Avropa siyasətçiləri ilə əlaqələndirmədən bir addım da atmır. “Zelenskinin əlində kartlar azdır. Düşünmürəm ki, Zelenski danışanda Ukrayna özü danışır”, – deyə o bildirib.
